Ils commembers e las commembras da l’Archiv cultural d’Engiadin’Ota èn vegnids infurmads a la radunanza generala davart la tscherna da Kurt Gritsch sco nov manader da gestiun.
L’um da 47 onns succeda a Dora Lardelli ch’è morta ils 29 da schaner da quest onn. Gritsch che è oriundamain dal Tirol dal sid abita a Zernez e surpiglia ses uffizi il prim da settember 2023.
Midada retardada
Ultra da quai na fetschia l’Archiv cultural d’Engiadin’Ota betg midada sco planisà quest atun da la Chesa Planta a Samedan en la Chesa Planta a Zuoz. Sco che Rico Valär, l’actuar da la societad ha ditg envers RTR, sajan ils motivs retard tar las lavurs da construcziun, mancanza da material e dumondas da finanzas. La midada saja prevesida per la primavaira dal 2024.
Nova suprastanza
La radunanza da l’Archiv cultural d’Engiadin’Ota ha er elegì ils commembers da la suprastanza. Part fan da nov Riet Ganzoni e Madlaina Bundi. Tgi che vegn a presidiar il gremi, decida la suprastanza en sia emprima sesida venderdi proxim.
