La dumengia enturn mezdi è in um mort en ina lavina en il territori da la Diavolezza, scriva la Polizia chantunala. Ina gruppa da trais persunas da la Germania vegniva giu dal Piz Palü cura ch'in toc glatsch è rut davent da la Fuorcla Bellavista.
Duas persunas èn vegnidas da guntgir. L'um da 59 onns percunter è vegnì tschiffà dal glatsch e da la naiv, sdrappà a val e sutterrà. Malgrad ch'ins ha chattà el svelt e cummenzà immediat a reanimar è l'um mort anc al lieu da l'accident.