La radunanza communala da La Punt Chamues-ch ha approvà cun gronda maioritad il credit supplementar da 238'000 francs per l'ospital regiunal a Samedan. L'ospital dovra agid finanzial da las 11 vischnancas purtadras pervia da las cifras cotschnas dal 2023. L'ospital regiunal aveva fatg ina perdita da 5 milliuns francs l'onn passà.
Allontanar davos obstachels per persunas cun impediments
La vischnanca da La Punt Chamues-ch ha plinavant decis da transfurmar las davosas fermadas da bus che na correspundan anc betg als basegns da persunas cun impediments. La radunanza communala ha approvà in credit necessari da 680'000 francs. Il chantun surpiglia 200'000 francs.
I sa tracta da las fermadas da bus Krone. Quellas sajan las davosas en la vischnanca che na correspundian anc betg als basegns da persunas cun impediments, scriva la vischnanca.
