La suprastanza communala da Tusaun ha preschentà las midadas en la nova constituziun communala. Cunquai che l'actuala constituziun è 38 onns veglia han ins fatg ina revisiun totala ed adattà ella a la lescha chantunala e gist cumbinà cun ina reorganisaziun da l'administraziun da la vischnanca.
Enfin ils 9 da zercladur datti ina consultaziun davart questa nova constituziun. Per l'emprima giada ha la populaziun la pussaivladad da nizzegiar la plattafurma «eConsultaziun».
La radunanza communala da Tusaun ha approvà cun gronda maioritad la revisiun parziala da lescha davart taxas da giasts e turissem. La vischnanca da Tusaun – fusiunada cun Mutten n'aveva anc nagina lescha unifitgada. Las leschas veglias eran dal 2015 e 2014. La populaziun sto anc confermar la decisiun a l'urna.
