Per permissiuns e prolungaziuns da l'Uffizi da migraziun e da dretg civil pon ins da nov er dumandar sur la rait. Il chantun ha annunzià quai en ina communicaziun a las medias.
Patrunas e patruns u persunas estras pon pia da nov er far online lur dumondas da documents d'identitad. Ed er la dumonda a la vischnanca vegnia surpigliada uschia da l'uffizi. Per burgaisas e burgais da la UE/AECL èsi pussaivel d'agiuntar ina fotografia da la fatscha e la suttascripziun sco agiuntas.
40'000 duomndas mintg'onn
Mintga onn vegnan dumandadas circa 40 000 permissiuns tar l'Uffizi da migraziun e da dretg civil dal Grischun. Uschia vegnia la dumonda pli simpla.
L'uffizi planiseschia plinavant ina interfatscha che vegn a pussibilitar ad interpresas cun persunas emploiadas estras da surdar directamain datas existentas en ils sistems da l'agen manaschi al spurtegl online. Datas identicas na ston tras quai betg pli vegnir endatadas pliras giadas.
