Sin las vias grischunas vegni quest onn a dar damain plazzals da lavur. Cun 151 plazzals saja il dumber levet sut quel da l'onn passà, communitgescha l'uffizi da construcziun bassa.
En general dettia dapi ils ultims 8 onns cuntinuadamain damain plazzals, quai surtut perquai ch'ils projects sajan tendenzialmain pli gronds e pli chars. En il focus da questa stagiun da construcziun, che cumenza suenter Pasca stattan trais projects pli gronds. Quai cun la nova punt Spuondas a San Murezzan, la via sur il pass dal Flüela e la via principala a Laax tranter Marcau e Seehof.
Tut ils plazzals chattan ins sin la pagina dal chantun Grischun.
audio
Per tadlar: las novitads da las 09:00
ord RTR Audio dals 26.03.2024.
laschar ir. Durada: 2 minutas 49 Secundas.
