- dapi nov è la Svizra avanzada sin plaz nov. Cun quai fa ella part da las 10 pajas che protegian tenor «Reporters senza cunfins» il meglier la libertad da pressa. L'onn passà eri anc il dudeschavel plaz per la Svizra.
- las meglras notas en connex cun la libertad da la pressa ha l'organisaziun dà als pajais scandinavs: a la Norvegia (plaz 1) ed al Danemarc (plaz 2) ed a la Svezia (plaz 3).
La situaziun da segirezza da schurnalistas e schurnalists saja sa meglierada en Svizra, ha l’organisaziun suttastritgà. L’organisaziun «Reporters senza cunfins» crititgescha dentant che surtut il secret da banca restrenschia il schurnalissem en Svizra. En pli guntgeschian las administraziuns adina puspè il princip da transparenza.
La rangaziun pli auta cugliuna – ella era cunzunt pussaivla cunquai ch’auters stadis èn crudads enavos, per exempel la Lituania u il Liechtenstein. Facticamain saja la libertad da la pressa en Svizra numnadamain tenor SRF schizunt daventada in zic mendra.
Legenda:
En bleras terras sin il mund na statti betg uschè bain per la lavur
schurnalistica: Da las 180 pajas ch'en vegnidas classifitgadas da l'organisaziun «Reporters senza cunfins» han 47,2% ina valitaziun «situaziun difficila» u «situaziun fitg seriusa».
Keystone
audio
Per tadlar: las novitads da las 11:00
ord RTR Audio dals 03.05.2024.
laschar ir. Durada: 2 minutas 53 Secundas.
