Il Cussegl federal vul spargnar fin la fin dal 2028 radund 700 milliuns francs en il sectur d'asil. El ha perquai decis in pachet da mesiras.
La gronda part, radund 650 milliuns francs, vul il Cussegl federal spargnar cun integrar meglier fugitivs e fugitivas da l'Ucraina en il martgà da lavur. Pia las persunas cun il status da protecziun S, ha il Cussegl federal communitgà. Ins piglia en mira ina quota d'activitad da gudogn da 40% fin la fin da l'onn. Plinavant vul il Cussegl federal reducir il dumber da pendenzas ed accelerar las proceduras d'asil. Perquai han ins gia stgaffì 60 plazzas. Il Departament federal da giustia e polizia che vegn manà dal cusseglier federal Beat Jans duai far fin la fin da l'onn ulteriuras propostas per reducir ils custs en il sectur d'asil.
