Il Rumantsch Gian Beeli daventa nov manader da l'Uffizi federal per l'egualitad tranter dunna ed um. I dat ina co-direcziun cun Stéphanie Lachat, ha communitgà la cussegliera federala Elisabeth Baume-Schneider. Beeli e Lachat succedan il settember a Sylvie Durrer che va en pensiun. Els han mintgamai in pensum da 90%.
Gian Beeli ha 42 onns, è neuropsicolog e lavura dapi 10 onns en il sectur da l'egualitad da las schlattainas. Il 2014 fin 2019 ha el manà il post da cussegliaziun per persunas pertutgadas da violenza en il Grischun.
