Per persvader e mobilisar votantas e votants han ins impundì 10,15 milliuns francs. Betg per mintga fatschenta è dentant vegnì dà medem bleras donaziuns. Quai mussan las cifras publitgadas da la controlla da finanzas federala.
4,1 milliuns francs vegnan duvrads per promover la lescha d'energia, 1,3 milliuns francs per ch'ella vegnia refusada. Per in Gea dat l'organisaziun da l'ambient WWF 0,36 milliuns francs, ils trais concerns d'energia Axpo, Alpiq, BKW e l'Uniun svizra d'interpresas d'electricitad mintgamai 0,25 milliuns francs. Cunter l'iniziativa èn la PPS e la Fundaziun Franz Weber che s'engaschan cun 0,5 respectiv 0,4 milliuns francs.
Il pli aut budget ha il comité encunter las duas iniziativas da sanadad, cun passa 2 milliuns francs. La pli gronda donaziun (2 milliuns francs) vegn da Economie Suisse, medemamain cunter las iniziativas da sbassar las premias. Tuttas contribuziuns che vegnan fatgas e che surpassan 50'000 francs ston vegnir annunziadas a la Confederaziun.
