Videos en trend
«Pled sin via» cun Cornelia Camichel Bromeis
Igl è stà in purtret religius – la finiziun da l’Eurovision Song Contest ESC che mussa ina persuna che vegn sin il palc cun ina curuna da spinas sin il chau. Ina curuna regalada dad in’autra persuna che ha participà. Quai n’è betg stà previs, ans regorda dentant al venderdi sontg ed a Pasca. L’istorgia da questa persuna ha anc autras parallelas religiusas. Questa persuna è ida tras l’enfiern ed enavos per chattar la via da sia atgna vardad, la via da viver ses esser nunbinar. Tschuncaisma vegn descrit suandantamain en la Bibla: «Jau vegn a svidar or mes spiert sur tut la charn, di il Segner, voss giuvens han visiuns, voss vegls han siemis.» Quai è Tschuncaisma – in spiert che mantegna siemis e visiuns.4 min
Simon Jacomet e l’art dal far
El fa skis. E vi da gliez lavura el cun perseveranza gia in detg mument. Sia lavur è sia passiun, e tuttina è sia passiun dapli che mo skis. Cun la marca e la firma ZAI è Simon Jacomet daventà avant bun 20 onns in sinonim per skis ch’en auters che quels giu da la stanga. Ed era per skis che custan tant sco auters dattan ora per in auto. Oz è Simon Jacomet lunsch davent dal mund luxurius ed exclusiv da sia anteriura firma ZAI. Skis fa el dentant anc adina. L’impuls da perfecziunar il sentiment en il caraun n’è vegnì gnanc zic pli flaivel! Suenter 15 onns ZAI ed ina curta emprova cun ina firma nova è Simon Jacomet ì ina nova via. Oz producescha el ses skis senza firma e senza investurs en ses pitschen atelier a Rabius. Il ski che porta sias inizialas vegn construì tenor sias ideas senza cumpromiss. La filosofia Jacomet para adina puspè dad esser ina maschaida dad art e far. Ina cumbinaziun da hightec e tradiziun. Igl è in lavur perseveranta per chattar ils cunfins dal pussaivel.26 min
Federer - Dieu da tennis
59 s
Telesguard dals 17.05.2024
Ils responsabels da la Casa s. Martin prendan posiziun a las reproschas d'anteriur persunal – «Salid dal Grischun» mussa il svilup dal Grischun cun cartas postalas – Simon Jacomet fa skis14 min
Scola da Donat chanta a Berna
Il martgà dals parcs svizzers ha preschentà las specialitads culinaricas sin la Plazza federala a Berna.1 min
Glisch, camera ed acziun – emprims documents filmics dal Grischun
Per ils Cuntrasts ha il cineast Felice Zenoni tschertgà vegls films documentars dal Grischun en archivs per l’entir mund enturn. Ils pli vegls ha el chattà en l’Australia, a Canberra en il National Film and Sound Archive of Australia. Da vesair è la Viafier retica sin il tschancun da Preda a Bravuogn l’onn 1905. La pli gronda sensaziun dals stgazis filmics chattads è tenor l’istoricher da film Roland Cosandey il film sonor dal 1928, tenor el ina veritabla perla. Ch’i deva fake news gia en ils emprims documents filmics demussa l’expert a maun d’in film davart il Cresta Run a San Murezzan, realisà il 1907 da pioniers da film franzos. Era tar il famus reschissur da thrillers Alfred Hitchcock chatt’ins «scenas grischunas».Quest video n'è betg disponibel en voss lieu.
Tge è in um? En tschertga da mia masculinitad
Il redactur Tinet Gaudenz è sa mess a la tschertga da la rolla dals umens en nossa societad.19 min
#1 Highline: Ramun Tomaschett
Il giuven da 25 onns è creschì si a Cumbel ed ha chattà sia passiun avant sis onns – la passiun da highline. Ballantschar sin la suga dat ad el energia. I saja daventà in act meditativ. Per pudair far quai sport haja duvrà bler trenament. Cunzunt l’entschatta. El haja duvrà in mez onn fin ch'el ha pudì seser cumadaivel sin la suga, pudì star si e far l’emprim pass sin ina highline. Cunzunt bler concentraziun dovri, tenor Ramun Tomaschett saja lezza schizunt centrala per insumma far quai sport.9 min
Onze Acla – il hotel dils Belges
L’onn 1969 lascha l’Intersoc construir a Mustér in hotel privat cun 600 letgs – exclusivamain per giasts beltgs. L’edifizi immens amez la cuntrada vegn crititgà a partir dal cumenzament. «Talsperre», «Betonklotz», «hotel dils Belges» – quai èn ils surnums da la glieud indigena per l’hotel Acla da Fontauna a Mustér. Per millis e millis Belgias e Beltgs è el «Onze Acla – Noss Acla»: l’edifizi, nua ch’els passentan lur vacanzas sur generaziuns. Il film dat vita a l’hotel Acla da Fontauna ch’è serrà e bandunà dapi passa 20 onns e ch’è stà lezza giada il fundament per il turissem a Mustér. El lascha reviver il «temps dils Belges» a Mustér – in chapitel or da la lunga istorgia d’amur tranter ils giasts da la Belgia e la Svizra.26 min
ANIKK – Tgi eis ti?
La chantadura Anik Casutt, aka ANIKK, segna cun «Tgi eis ti?» per il #50avel Top Pop Rumantsch!3 min
