S'annunziai ussa! - RTR Bike – tura cun Andrin Beeli ed Andreas Wieland
Ina tura da mountainbike cun il profi Andrin Beeli e noss redactur Andreas Wieland. Da Glion sur Valendau si Staderas, Salums, Sagogn ed enavos a Glion. Tge dovri? Plaschair ed experientscha d'ir cun il MTB, in pau cundiziun (u sustegn da battaria) ed ina svelt'annunzia. Ils plazs èn limitads.
La tura maina stgars 30 kilometers per gronda part sur vias natiralas. Fin a la staziun da Valendau-Sagogn vai per lung il Rain. Suenter vai ensi direcziun Laax, en tut 670 meters fin sin 1'170 meters sur mar – e lura puspè engiu.
La tura en detagl
Avrir la boxSerrar la box
Cura? – venderdi, ils 7 da zercladur, las 17:00 fin ca. las 20:30 (incl. apero), data alternativa en cas da mal'aura: mesemna, ils 12 da zercladur
Nua? – partenza ed arrivada: studio regiunal da RTR a Glion, plazza Cumin 1
Ruta? – Glion, staziun Valendau-Sagogn, Staderas, Salums, Sagogn, Glion, 28,4 km, 670 m ensi e 670 m puspè engiu
Per tgi? – mountainbikers e mountainbikeras cun ina buna cundiziun da basa, cun u senza sustegn da battaria
Guids? – Andrin Beeli (profi da mountainbike) ed Andreas Wieland (redactur da sport RTR)
Plazs? – maximalmain per 24 participantas e participants
Cunquai ch'ils plazs èn limitads vala – l'emprim che vegn, survegn. Suenter la tura datti in apero e la pussaivladad da sa barattar e star da cumpagnia cun la gruppa en il studio regiunal a Glion. RTR accumpogna la tura cun camera e microfon ed ils megliers muments datti lura d'udir e da vesair tar RTR. S'annunziai ussa cun il formular quasut, annunzias èn pussaivlas enfin glindesdi, ils 3 da zercladur 2024.