Las trais filialas da la CS en il Grischun vegnan serradas. Il directur regiunal da l'UBS per la Svizra orientala, Christoph Zeller, ha ditg envers il St. Galler Tagblatt ch'il persunal saja vegnì infurmà.
Tant a Tavau sco a Cuira ed a San Murezzan datti fin filialas d'omaduas bancas, quellas vegnan uss cumbinadas. Il persunal da la Credit Suisse midia vi en la filiala da l'UBS. Tenor Zeller veglian ins salvar tut ils collavuraturs e collavuraturas «a la front» ed era emprendistas possian tuttas salvar la plazza. Las midadas èn planisadas per la segunda mesadad dal 2024.